Høgni Hoydal: Eiga at seta á stovn sendistovu í Grønlandi

Høgni Hoydal: Eiga at seta á stovn sendistovu í Grønlandi
"Tað hendir nógv í bæði Grønlandi og Arktis í løtuni, og tí er løtan tann rætta at styrkja sambandið við Grønland," heldur landsstýrismaðurin í uttanríkismálum, Høgni Hoydal
Mynd: Shutterstock.com  
 
05.08.2024 - 10:30

Tað verða nógvir fyrimunir fyri Føroyar, um samstarvið við Grønland verður styrkt, heldur Høgni Hoydal, landsstýrismaður í uttanríkismálum. 

Hann mælir nú til, at føroysk sendistova verður sett á stovn í Grønlandi.

"Eg havi altíð hildið, at vit eiga at styrkja sambandið við Grønland, bæði tí vit søguliga altíð hava havt tætt samband við Grønland, men eisini tí vit hava nógv felags áhugamál," staðfestir Høgni Hoydal.

"Og so hendir nógv í Grønlandi í løtuni. Teir byggja flogvøllir, og vit síggja, at Íslandi hevur havt stórt gagn av at lata sendistovu upp í Grønlandi," leggur hann afturat. 


Høgni Hoydal, landsstýrismaður í uttanríkismálum, heldur, at nú er rætta løtan at seta á stovn føroyska sendistovu í Grønlandi (Mynd: Bjarni Árting Rubeksen)
 

Fyrsta stigið at styrkja sambandið við Grønland er longu tikið, tí sendifólk Føroya í Íslandi er eisini akkrediterað til Grønland, ið merkir, at tað eisini hevur Grønland sum sítt arbeiðsøki.

"Men eg haldi, at tað hevði verið uppaftur betri at havt eina sendistovu í Grønlandi," sigur Høgni Hoydal, landsstýrismaður í uttanríkismálum. 

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226