![](https://kvf.fo/sites/default/files/styles/myndasavn-width/public/olavur_9.jpg?itok=TEktkYz1)
- Tíðindi, mentan og ítróttur
Hjálparprestur hjá próstinum
![](https://kvf.fo/sites/default/files/styles/grein-ovasta-mynd/public/tummas_4.jpg?itok=L_hI1r9M)
Biskupur hevur sett Tummas Kannuberg í starv sum hjálparprestur hjá próstinum í eitt ár, frá 1. september til 31. august næsta ár.
Talan er um eina royndarverkætlan, skrivar Fólkakirkjan.
Aftrat starvinum sum hjálparprestur, skal Tummas Kannuberg, í samráði við staðbundnu sóknarprestarnar í landinum, halda gudstænastur í kirkjusóknum, har minni enn 400 fólk eru.
Ólavur Eysturdal.
Anne Mette í farloyvi
Ólavur Eysturdal er settur í starvið sum virkandi sóknarprestur í Suðurstreymoyar eystara prestagjaldi.
Hann tekur við 1. september, og verður í starvinum til 1. januar 2025.
Ólavur Eysturdal hevur verið virkandi sóknarprestur í Suðurstreymoyar norðara prestagjaldi í stívliga eitt ár.
Í heyst fer sóknarpresturin Anne Mette Greve Klemensen í lestrarfarloyvi.
Í hesum sambandi hevur biskupur í samráði við kirkjuráðini sett Ólav Eysturdal í starv sum virkandi sóknarprestur í Suðurstreymoyar eystara prestagjaldi.
Í prestagjaldinum eru Havnar kirkja og Nólsoyar kirkja.