Finnur Fríði verður í Gøtu í morgin

Í gjárkvøldið fór nýggja nótaskipið hjá Varðanum í Gøtu, Finnur Fríði, úr Skagen, og skipið er nú á veg til Føroya.

Finnur Fríði verður væntandi í Gøtu í morgin. Har verður skipið doypt, og skipað verður fyri almennari móttøku.

Finnur Fríði í Skagen

(Mynd: Hardi Hansen)

Varðin gjørdi sáttmála við Karstens skipasmiðjuna í Skagen um Finn Fríða í 2021. Skrokkurin er bygdur í Póllandi, og skipið er síðani gjørt liðugt í Skagen.

Finnur Fríði eru 88 metrar langur og 16,5  metrar breiður. Hann hevur umhvørvisvinarliga tøkni, og motorurin er gjørdur at brúka framtíðar brennievni, sum t.d. metanol og ammoniak.

Finnur Fríði tekur 3.000 tons. 

Ætlanin er at fara til fiskiskap longu í næstu viku. 

Finnur Fríði í Skagen

(Mynd: Hardi Hansen)