Løgreglan úr at gera í nátt

Nógv fólk hevur verið í býnum um alt landið, og løgreglan hevur havt úr at gera.

Ein bilur varð steðgaður í Havn í gjárkvøldið, og førarin varð skuldsettur fyri at hava onnur rúsevni enn alkohol í blóðinum.

Fráboðan var um eina rúgvu av motorkrossarum og prutlum, sum koyrdu í Miðvági og gjørdu nógvan gang. Tá løgreglan kom til Miðvágs, vóru tey tó ikki at finna.

Bilar vórðu steðgaðir og kannaðir í Skopun og í Kollafirði, og hjá teimum var alt, sum tað átti at vera.

Beint áðrenn klokkan 4 í morgun var rok í býnum í Havn og ringur hýrur.