- Tíðindi, mentan og ítróttur
Triðja vaktin skal á skrá
Triðja vaktin skal á skrá
Triðja vaktin er tað sum fer fram í tonkunum viðvíkjandi familjuni og ta hvílir einamest á kvinnuni, sigur nýggja forkvinnan í Javnstøðunevndini.
30.08.2024 - 19:21
Brúk er fyri meira javnstøðu tá tað kemur til triðju vaktina - tað er eitt mál, sum nýggja forkvinnan í Javnstøðunevndini, Halla Nolsøe Poulsen, ætlar at leggja dent á.
Fyrsta vaktin er lønta starvið. Onnur vaktin er tað praktiska, sum krevst at halda hús. Triðja vaktin er alt tað sum fyllir í tonkunum í samband við familjuna - og triðja vaktin hvílir einamest á kvinnuni, sigur Halla Nolsøe Poulsen.
Halla er komin í starvið mitt í setanini. Hon vísir á, at nógv av tí sum er á skránni hjá Javnstøðunevndini eru arbeiðir, sum longu eru í gongd.
Eitt av hesum arbeiðum er, at royna at fáa javnstøðu á vallistarnir hjá politisku flokkunum til kommunuvalið í november.
Nýggjastu sendingar í ÚV
Nýggjastu sendingar í SV