Klaksvíkar kommuna fær nýggjan tekniskan stjóra

Nýggjur tekniskur stjóri er settur í Klaksvíkar kommunu.

Talan er um Andreas Andreasen, sum fer at røkja starvið framyvir.

Andreas Andreasen er 45 ára gamal, er m.a. útbúgvin húsasmiður, hevur lokið prógv sum byggifrøðingur og er Cand.Tech í bygningsdatafrøði. Harafturat hevur hann seinastu fýra árini starvast sum verkætlanarleiðari á teknisku deild hjá kommununi.

Níggju umsóknir vóru til starvið.

Andreas Andreasen tekur við starvinum 1. oktober.