Navia keypt bygningin hjá Andreasi í Vágsbotni

Nú hevur ullvøruhandilin Navia keypt bygningin, sum fyritøkan yvirtekur týsdagin, og alt bendir á, at handilin fer at líkjast sær sjálvum.

- Vit broyta ikki bygningin, men gera neyðugar umvælingar og onkra dagføring, so bæði havnarfólk og onnur fara at kenna handilin aftur, sigur Óla Kristian á Torkilsheyggi, stjóri í Navia.

Umframt handilin á Toftum, hevur Navia handil í SMS, og ætlar at halda fram við tí, nú handilin í Vágsbotni legst aftrat.