Samráð í fólkatinginum um Paul Watson

Rættarnevndin hjá fólkatinginum hevur biðið Peter Hummelgaard, løgmálaráðharra, koma í samráð um Paul Watson.

Samráðið byrjaði klokkan eitt korter til tíggju okkara tíð, og skuldi vara ein tíma.

Rættarnevndin spyr ráðharran, um hann heldur, at Japan hevur biðið um at fáa Paul Watson, tí Japan vil halda fram við ólógligu hvalaveiðuni, sum sagt verður, og fer miðvíst eftir teimum, sum vilja forða fyri henni.

Peter Hummelgaard

Frítekst tagging: 

Peter Hummelgaard

Bjarni Árting Rubeksen

Peter Hummelgaard, løgmálaráðharri. (Mynd: Bjarni Árting Rubeksen)

Nevndin vil eisini vita, um ráðharrin kann tryggja, at Japan vil kennast við altjóða skuldbindingar um vinnuliga hvalaveiðu og mannarættindi, tá talan er um møguligan rættarfund um Paul Watson.

Rættarnevndin vil eisini hava at vita, um ráðharrin fer at biðja stjórnina í Japan tryggja, at Paul Watson ikki fær órættvísa rættargongd, um hann verður útflýggjaður.   

Peter Hummelgaard er eisini spurdur, um danska stjórnin tekur undir við at gera altjóða rætt at døma í málum um altjóða reglur um at verja havið og náttúruna. 

Tvey tingfólk í SF hava sett spurningarnar í samráðnum.

Fylg við samráðnum her.