Rúmdarfari vitjar á Glasi

Danski rúmdarfarin Andreas Mogensen fer eftir ætlan at vitja Glasir seinni í hesum mánaðinum. 

Lærarar og næmingar fingu serstaka høvið at tosa við Andreas Mogensen í februar, meðan hann var í rúmdini. Tá var avtalað, at hann skuldi vitja Glasir, tá hann kom til Føroya.

Á vitjanini fer hann at tosa fyri undirvísarum, næmingum og lærlingum. Síðan fer hann at handa Tjóðsavninum Merkið, sum hann hevði við sær út í rúmdina.

Andreas Mogensen vitjar á Glasi 24. september.