Forkvinna: Eldraráðið í høvuðsstaðnum talar fyri deyvum oyrum

Eldraráðið í Tórshavnar kommunu verður ikki hoyrt av býráðnum, hóast tað er endamálið við at hava eitt slíkt ráð. Tað sigur Katrin Holm, forkvinna í eldraráðnum, nú ov fá fólk hava stilla upp til valið, sum verður 11. oktobur. 

Tá freistin at stilla upp til eldraráðsvalið var farin tann 12. september, høvdu bert tríggir borgarar boðað frá, at tey ynskja at stilla upp. Eldraráðið er samansett av 5 limum og trimun varalimum. Tí hevur trupulleikin at manna eldraráðið verið á skrá til býráðsfundin, sum var í kvøld.