Sáttmálar úr gildi týsdagin. Samráðingar ikki byrjaðar

1. oktober, týsdagin, fara sáttmálarnir hjá Starvsfelagnum um tey, sum arbeiða hjá landi og kommunum, úr gildi.

Men eingin formligur samráðingarfundur við Fíggjarmálaráðið og Kommunala arbeiðsgevarafelagið hevur verið enn.

Og krøvini um nýggjar sáttmálar eru ikki løgd fram.

Men Starvsfelagið sigur í fráboðan til limirnar, at samstarvið millum partarnar er gott, og tingini flyta seg rætta vegin. 

Samband hevur verið millum partarnar seinastu tíðina. 

Partarnir hittast á fyrsta samráðingarfundinum 8. oktober.

Fundur skuldi vera í dag, men av tí at uppskot um fíggjarlógina skal leggjast fram mánadagin, eru stundir ikki at samráðast.