Fiskaútflutningurin minkaði 820 milliónir

Fiskatflutningurin er minkaður seinasta árið.

Føroyar útfluttu fiskavørur fyri 11,9 milliardir krónur í tíðarskeiðnum frá september í 2023 til august 2024. Tað eru 820 milliónir krónur minni enn sama tíðarskeið frammanundan.

Minkingin er góð átta prosent, skrivar Hagstovan.

Meiri er útflutt av laksi, toski og fóðri, men útflutningurin av øðrum fiskasløgum er minkaður.

Útflutningurin av laksi er vaksin 587,6 milliónir krónur. Virðið er vaksið 11 prosent og nøgdin góð 17 prosent. Og útflutningurin av toski er vaksin við 69 milliónum, sum svarar til stívliga sjey prosent. 

Størsta minkingin í prosentum er í lodnu, har útflutningurin er minkaður 84,5 prosent, og í svartkjafti, har minkingin er 43,6 prosent.