Á Breddanum: Misálit og politiska støðan

Á tingfundinum klokkan 11 fer andstøðan at leggja fram uppskot um misálit á Ingilín Didriksen Strøm, landsstýriskvinnu í umhvørvismálum.

Ingilín Didriksen Strøm var kærd til landsstýrismálanevndina í mai, eftir at hon í tinginum hevði sagt, at hon hevði ikki fingið ábendingar um, at Húsalánsgrunnurin hevði trupulleikar við langtíðarhaldførinum. 

Landsstýrismálanevndin kom fyrst fram til, at løgtingskvinnan hevði sagt ósatt,  men broytti meining, og ein meiriluti í nevndini - samgongulimirnir Hanna Jensen og Hans Jacob Thomsen - endaðu við heita á løgtingsforkvinnuna um at seta kanningarstjóra.

Tað vil andstøðan ikki góðtaka, og tí fer hon at leggja misálit fyri tingið, tá tingfundurin byrjar í dag. Tað boðaði, Bárður á Steig Nielsen, sum eisini er limur í landsstýrismálanevndini,  frá týsdagin. 

Vit fylgja málinum í Breddanum í dag, og politisku viðmerkjararnir, Beinta Løwe og Árni Gregersen, vera í útvarpsstovuni. 

Breddin í útvarpinum klokkan 10 og á kvf.fo.