Donald Trump sigur seg hava vunnið

Republikanska forsetavalevnið hevur, sambært tíðindastovuni AP, vunnið tríggjar avgerandi sveiggjstatir.

AP metir, at Donald Trump hevur vunnið valið í statunum North Carolina, Georgia og nú eisini Pennsylvania.

Donald Trump hevur í løtuni tryggjað sær 267 valmenn, meðan Kamala Harris hevur tryggjað sær 214.

Tann, sum fyrst fær 270 valmenn, vinnur valið.

Donald Trump heldur røðu í Palm Beach í Florida í hesi løtu. 

Og meðan tey framvegis telja atkvøður í USA, so ávirkar fyribils úrslitið av valinum partabrævamarknaðirnar og fíggjarmarknaðirnar kring heimin.

Marknaðirnir síggja fyri sær, at Trump verður næsti amerikanski forsetin.    

Fleiri partabrøv verða handlað, renturnar hækka og dollarin er vorðin sterkari, umframt at kursurin á krypto-gjaldoyranum bitcoin er hækkaður.