Umhvørvisstovan má siga nei

Umhvørvisstovan má siga nei
Umhvørvisstovan kann ikki gera annað enn nokta Effo at byggja vindmyllulundina Eysturlund. Eisini sjálvt um hon kundi verið við til at minka føroyska CO2-útlátið
Effo fær helst ikki loyvi til at byggja vindmyllulundina, tí hon lýkur ikki treytirnar í lógini.
Mynd: Effo  
 
16.11.2024 - 15:02

Umhvørvisstovan er komin í eina heldur løgna støðu, nú myndugleikin, sum bæði stendur fyri at minka um føroyska CO2-útlátið og sum roynir at gera Føroyar grønari, noyðist at nokta Effo at byggja stóru vindmyllulundina Eysturlund, sum ætlanin var at byggja í Lambahaganum.

Ætlanin hjá Effo var at byggja eina risastóra vindmyllulund í Lambahaganum og at leggja ein elkaðal úr Lambahaganum til Fuglafjarðar, har streymurin skal brúkast til at gera damp til maskinurnar hjá Havsbrún, sum í løtuni brúka tungolju til at gera dampin.

Men av tí at umsóknin ikki lýkur treytirnar í lógini, má Umhvørvisstovan nokta Effo loyvi.

Ein av stóru orsøkunum er spurningurin, um talan er um eitt elnet ella ikki. Sambært Effo er talan ikki um eitt net, sambært Elveitingareftirlitinum er tað. Og tá tað er myndugleikin, sum eigur seinasta orðið, ja, so er tað, í fyrsta umfari í øllum førum, tulkingin hjá Elveitingareftirlitinum, sum er avgerandi.

Effo kann kæra málið til kærustovnin, men kann eisini velja at fara í rættarskipanina við málinum, um felagið ikki er samt við myndugleikan.

Lurta eftir innslagnum, sum var í tíðindunum á middegi í dag.

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Mánadag 28. juli
Morgunlestur mánadagur 28. juli 2025
194898
Sunnudag 27. juli
RagnarRokk: Neal Morse um Deep Water
194167
Sunnudag 27. juli
Guðstænasta í Havnar kirkju
194985
Leygardag 26. juli
Súrligt summar: Kom! Tosa!
194981
Nýggjastu sendingar í SV
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018
Mánadag 28. juli
Upp á gólv - Ólavsøkuaftan
194992
Mánadag 28. juli
Ólavsøkuróðurin 2025: 10 Mannafør
195017