Berghol til Vestmanna mett at kosta millum 650 og 950 milliónir

Landsstýrið hevur ikki tikið endaliga støðu um berghol til Vestmanna. 

Tó eru pengar settir at kanna, hvørjar loysnir kundu verið. 

Í høvuðsheitum hevur verið arbeitt við tveimum loysnum.

Onnur er berghol úr Kvívík til Vestmanna. Hann verður er 4,2 km.

Hitt bergholið er úr Leynum til Vestmanna, 6,2 km.

Jarðfrøðiligar kanningar eru gjørdar.

Tað sigur Dennis Holm, landsstýrismaður, í svari til Grím Sundstein, løgtingsmann.

650 - 950 milliónir

Bergholið millum Kvívík og Vestmanna verður mett at kosta 650 mió. kr. við 40 prosent í váðaískoyti.

Bergholið millum Leynar og Vestmanna verður mett at kosta 950 mió. kr., og váðaískoytið er 40 prosent.

Landsverk hevur tosað við Kvívíkar kommunu og Vestmanna kommunu um linjuføringar.

Í fíggjarlógaruppskotinum fyri 2025 er skotið upp at fara undir at gera Vestmannabergholið, tá Tjørnuvíkarbergholið er liðugt, sigur Dennis Holm.