Næmingar á yrkisnámi verða ofta verandi í Føroyum

- Nógv ung fara av landinum í útbúgvingaørindum eftir miðnám, men vit skulu eisini minnast til tey, sum ganga á yrkisnámi, tí tey verða ofta verandi í Føroyum.

Tað segði Rannvá Holm Poulsen, sum er lestrarvegleiðari á Glasi, í Breddanum fyrrapartin.

Tey flestu, sum ganga á yrkisnámi, hava sáttmála í Føroyum, og flestu teirra eru ungir menn.

Nýggj tøl frá Hægri Námi vísa, at bara ein fimtingur av elstu miðnámsskúlanæmingunum ætlar at útbúgva seg víðari í Føroyum, meðan 55 prosent søgdu seg ætla til Danmarkar.

Á Glasi er ein flokkur við 23 ungum kvinnum, har 22 av teimum ætla sær uttanlands at lesa. 
 

Tað søgdu Bjørg Brynhildardóttir Egholm, Bjørt Sámalsdóttir, Eyð á Reynatúgvu og Jóhanna Súnadóttir Petersen í Breddanum fyrrapartin. 

Øll sendingin kann hoyrast her.