Føroyski countrykongurin spælir á G!

Fyriskipararnir av G! festivalinum staðfesta, at føroyingum dáma væl countrytónleik. 

Tí fegnast G! festivalurin um, at føroyski countrykongurin, Hallur Joensen, er fyrsta navnið á G! skránni fyri næsta ár. 

Tað skerst heldur ikki burtur, at Hallur Joensen hevur sungið seg inn í hjørtunum á føroyingum við sangum sum "Kyss ein eingil hvønn morgun", "Vinir eru reyðagull" og "Lívið er ein lítil løta". 

Populariteturin hjá Halli Joensen kom til sjóndar, tá hann herfyri spældi tvær útseldar konsertir í Varpinum í heimstaði sínum Klaksvík. 

"Hallur Joensen er ikki bert ein sera fyrikomandi maður úr Klaksvík," skrivar G! festivalurin. "Nei, hann er av sonnum ein countrystjørna."+

Hvat: G! festivalurin
Hvar: Syðrugøtu
Nær: 17.-19. juli 2025