Royna simultantulking í fólkatinginum í dag

Tá fólkatingið í dag fer at viðgera spurningar til forsætisráðharran, verður samstundistulking, simultantulking, millum grønlendskt og danskt.

Formansskapurin í fólkatinginum hevur avgjørt at royna hetta í dag.

Orsøkin er, at Aki-Matilda Høegh-Dam, fólkatingskvinna, hevur boðað frá, at hon fer bara at tosa og spyrja á grønlendskum.

Tulkingin í dag er ein roynd, sum skal gera tað lættari hjá formansskapinum at avgera, um fólkatingið skal hava fasta skipan við samstundistulking.