Flyta ikki asfalt við Smyrli

 Einki asfalt verður flutt við Smyrli í løtuni, tí Strandferðslan sigur, at asfalt er vandamikil farmur.

Landsverk sigur hinvegin, at talan er ikkI um vandamiklan farm, tí hetta er annað slag av asfalti enn tað, sum verður lýst sum vandamikið.

Landsverk hevur biðið dosnku ráðgevarafyritøkuna Cantell, sum hevur serkunnleika um hættislig evni og vandamiklar vørur, gera eina uttanveltaða meting. Og sambært Cantell er asfaltið ikki hættisligt.

Kortini verður einki asfalt flutt við Smyrli.

Sí innslag í Degi og viku, har samrøða eisini er við Jann Dam Frandsen, deildarleiðara á virkisdeildini hjá Landsverki:

Dagur og vika hava havt samband við stjóran á Strandferðsluni, sum vísir til skiparan á Smyrli. Men tað lá ikki fyri hjá skiparanum at gera samrøðu til sjónvarpstíðindini í gjárkvøldið.