- Tíðindi, mentan og ítróttur
Dómur í skrásetingarmálinum fyrrapartin
<div>Um hálvan annan tíma verður greitt, um fjórði hvør føroyingur skal hava pengar aftur úr landskassanum - yvir hundrað milliónir krónur. Ella um tað var í lagi at taka meirvirðisgjald, hóast stórt spurnartekin er sett við lógarheimildina. Tá fellur dómur í Hægstarætti. </div><div><br></div><div>Talan er um meirvirðisgjald av skrásetingargjaldinum av bilum, sum vórðu keyptir frá 1.mai í 1999 til 28.apríl í 2005. Talan er um 12.000 bilar.</div><div><br></div><div><b>Fleiri spurningar</b></div><div><br></div><div>Stóri spurningurin er, um nøkur lógarheimild var at krevja gjaldið. Sigur Hægstirættur, at tað var í lagi at taka meirvirðisgjaldið, hendir ikki meira. Men sigur rætturin, at lógarheimild var ikki, so skal hann eisini svara nøkrum øðrum spurningum. </div><div><br></div><div>Fyri tað fyrsta, eiga fólk at fáa meirvirðisgjaldið aftur? </div><div><br></div><div>Eiga tey tað, er so fimm ára fyrningarfreistin galdandi? </div><div><br></div><div>Er hon galdandi, sleppur landskassin nógv lættari. </div><div><br></div><div>Men er eingin fyrningarfreist, skulu yvir hundrað milliónir rindast bilkeyparum aftur. Men er fyrningarfreistin galdandi, minkar talið heilt níður í fýra-fimm milliónir krónur sambært tí, sum varð upplýst, tá Hægstirættur viðgjørdi málið tann 22.august.</div><div><br></div><div><b>Bilsølur uppí</b></div><div><br></div><div>Enn er tó ikki komið á mál, tí nú koma bilasølurnar uppí. Tað eru bilasølurnar, sum eins og allir aðrir handlar, sum krevja meirvirðisgjald fyri TAKS. Spurningurin er so, um bilasølurnar skulu gjalda meirvirðisgjaldið aftur, um TAKS verður frídømt. Skulu bilasølurnar tað, vilja tær sjálvandi hava pengarnar frá TAKS. </div>
