Framherji keypir skip fyri Fagraberg

Reiðaríið Framherji í Fuglafirði hevur keypt hetlendska uppsjóvarskipið Serene.

Tað skrivar Portalurin.

Skipið skal koma í staðin fyri Fagraberg, sum er bygdur í 1999. Tað verður tó ikki fyrr enn í 2026, at Framherji yvirtekur Serene. 

Tá verður Serene eitt átta ára gamalt skip, 19 ár yngri enn Fagraberg.

Anfinn Olsen, stjóri í Framherja, sigur við Portalin, at reiðaríið umhugsaði at byggja nýtt skip, men tað bleiv bæði og dýrt og ov drúgt. Tí valdu tey at keypa eitt skip úr Hetlandi, tá reiðaríið, sum eigur skipið, nú byggir nýtt.

Hetlendska reiðaríið fær nýbygningin í 2026, og tá yvirtekur Framherji eisini uppsjóvarskipið Serene.