KFUK og KFUM & K: Eingin eigur at sita einsamallur jólaaftan

Eingin skal hava fyri neyðuni at sita einsamallur jólaaftan. Tað er grundarstøði undir jólahaldunum hjá bæði KFUK í Havn og KFUK & K í Klaksvík. 

Skráin er siðbundin eins og í nógvum føroyskum heimum, lovar Nikolina Højgaard, forkvinna í KFUK í Havn.

Higartil hava 12 fólk teknað seg, men pláss er fyri nógv fleiri.

- Tað er ein serligur hugni í KFUK hetta kvøldið, sigur forkvinnan.

Evstamark at boða KFUK í Havn frá luttøku er nú fríggjadagin. 

Eisini jólahald í Klaksvík

KFUM og K í Klaksvík skipar eisini fyri jólahaldi jólaaftan.

Dagny Miðskarð fyrireikar haldið í ár. 

Jólahaldið í KFUM og K í Klaksvík byrjar kl. 18, og fólk kunnu boða henni frá luttøku.