GAFFA: "Ratking" hjá Brimheim er ársins besta donska tónleikaútgáva

"Dette album er oplevelsesrigt, frækt og nuanceret."

Soleiðis stendur skrivað í GAFFA um tónleikaútgávuna "Ratking" hjá Brimheim, sum kenda danska tónleikatíðarritið júst hevur kosið til at vera ársins besta danska tónleikaútgávuna í 2024. 

"Ratking" hjá Brimheim er vald fram um plátur hjá so stórum nøvnum Thomas Helmig, Søren Huss, Hugorm, Rigmor og onnur. 

"Blandingen af håndspillet energi og snerrende elektronik er med til at give lydbilledet masser af kant, og sangskrivningen er på et tårnhøjt niveau, lige fra åbneren ”Dancing in the Rubble”, der overrasker vildt opbygningsmæssigt ved at afmontere i stedet for at bygge op, til den afsluttende klaverballade ”Hurricane”," stendur skrivað í GAFFA um "Ratking". 

Stóri heiðurin er ein staðfesting av, at Brimheim er komin upp á ovastu rók á danska tónleikapallin. Nú snýr tað seg um, at restin av heiminum skal uppdaga dugnaligu føroyskt-donsku tónlistakvinnuna. 

Tað greiddi Brimheim, sum í veruleikanum eitur Helena Heinesen Rebensdorff, frá, tá hon var gestur í sendingini LEITISSTEIN fyrr í ár. 

brimheim, ratking, leitisstein, andrehansen

>>Hoyr LEITISSTEIN-sendingina, har Brimheim var gestur, HER.