- Tíðindi, mentan og ítróttur
Sleppa skjótt at krevja bústaðarskyldu
Sleppa skjótt at krevja bústaðarskyldu
Umhvørvismálaráðið hevur gjørt uppskot, sum gevur kommunum heimild til at leggja bústaðaskyldu á sethús og íbúðir í nýggjum útstykkingum og á kommunalar ognir
Nú fer at bera til at krevja bústaðarskyldu í kommunalum útstykkingum (tilvildarlig mynd).
20.12.2024 - 06:29
Kommunurnar sleppa skjótt at krevja bústaðarskyldu, tá tær stykkja út og selja grundstykki.
Umhvørvismálaráðið hevur gjørt uppskot, sum gevur kommunum heimild til at leggja bústaðaskyldu á sethús og íbúðir í nýggjum útstykkingum og á kommunalar ognir.
Tað er gjørt, sigur Umhvørvismálaráðið, fyri at tryggja, at bústaðir vera brúktir til varandi bústað.
Mett verður, at broytingin fer at kosta landinum milum 200.000 og 400.000 kr. um árið í umsiting.
Landsstýrisfólkið í umhvørvismálum hevur eftirlit við, at lógarásetingin um bústaðarskyldu verður hildin.
Hvussu nógv, tað fer at kosta, veldst um, hvussu nógv kommunurnar fara at brúka heimildina til at áseta bústaðaskyldu.
Er kopiera
Nýggjastu sendingar í ÚV
Nýggjastu sendingar í SV
