Aktaði ikki boðum frá løgregluni

Bilførarin í einum persónbili koyrdi so mikið ótrygt, at løgreglan metti, at neyðugt var at steðga bilinum, - hetta var í Rituvík. Men bilførarin koyrdi undan løgregluni gjøgnum bæði bygt og óbygt øki, og tá ið komið var inn á Glyvur, - omanfyri bátahylin, avgjørdi løgreglan at koyra á bilin fyri at fáa hann at stegða.

Stoyturin gjørdi, at bilførarin misti tamarhaldið á bilinum, sum fór skoytandi eftir vegnum. Bilarnir fingu lítlan skaðan, sigur vaktleiðarin á løgreglustøðini.

Bilførarin er skuldsettur fyri rúsdrekkakoyring, fyri ferðsluóhapp í sambandi við rúsdrekkakoyring og fyri ikki at akta boðum frá løgregluni.