Foreldrafelagið um telefonnnýtslu: Skúlastýrini eiga avgerðina

Skal forboð setast fyri fartelefonum í skúlanum, eigur skúlastýrið avgerðina.

Tað sigur formaðurin í foreldrafelagnum Heim & Skúli, Janus Vang. 

Sostatt legst aftrat teimum røddum, sum seinastu dagarnar hava mælt frá forboði fyri fartelefonum í fólkaskúlanum, síðani løgmaður reisti málið í nýggjársrøðu síni.

skúlanæmingar, fólkaskúlin, skúlabørn, skúlar, fartelefonir, fartelefon

(Mynd: Bjarni Árting Rubeksen)

Janus Vang tekur undir við leistinum hjá Djóna Nolsøe Joensen, landsstýrismanni í barna- og útbúgvingarmálum, um at skúlastýrini skulu taka støðu til hetta málið.

Hann heldur, at landsstýrið eigur ikki at seta telefonforboð fyri allar næmingar.

- Skúlastýrini eiga at taka støðu til, um telefonnýtslan skal avmarkast ella ikki, sigur Janus Vang.