Tvey børn fáa staðfest krabba um árið

Eru ílegur ein partur av orsøkini til, at summi føroysk børn fáa krabbamein?

Tað skal nú kannast í eini verkætlan, sum føroyskir granskarar og læknar hava tikið stig til. Absalon Eysturoy, barnalækni, er kliniskur ábyrgdari í verkætlanini.

Í miðal fáa umleið tvey børn um árið staðfest barnakrabba. 

Lutfalsliga er tað nakað tað sama sum í londunum uttan um okkum, men tølini vísa, at føroysk børn fáa ikki sama slag av krabbameini sum børn í øðrum londum.

Hetta kundi bent á, at føroysku ílegurnar hava nakað at siga, tá talan er um barnakrabba.

Hoyr innslag í útvarpstíðindunum: 

Marin Strøm og Maria Skaalum Petersen, granskarar, hava tikið stig til verkætlanina. Rebekka Blak, lækni, fer at standa fyri dagliga virkseminum í samstarvi við Absalon Eysturoy, sum er kliniskur ábyrgdari í verkætlanini, og Marnar Fríðheim Kristiansen, PhD, hevur ein ráðgevandi leiklut.