Lista leigað fyri Glyvursnes

Smyril Line leigar avloysaraskipið MV Lista fyri Glyvursnes, sum skal umvælast.

Leigusáttmálin er gjørdur, og farmaskipið fer í sigling mánadagin á rutuni millum Rotterdam, Tórshavn og Þorlákshöfn. 

Glyvursnes, Glyvursnes við bryggju í Hirtshals

Glyvursnes skal umvælast á skipasmiðjuni í Frederikshavn. Skipið fekk skaða eftir eina spreinging í maskinrúminum, tá tað lá við kai í Hirtshals 2. januar.

Tað var í sambandi við viðlíkahaldsarbeiði, at spreingingin hendi. Ein av manningini læt lív, og tveir av manningini fingu skaða, annar teirra álvarsligan skaða.

MV Lista varð bygt í 2011 á Odense Staalskibsværft, og er 193 metrar langt og 26 metrar breitt.