Aftur eitt kaðalbrot í Eystrasalti

Aftur eitt kaðalbrot í Eystrasalti
Svenskir myndugleikar hava lagt hald á bulgarska skipið Vezhen, sum er undir illgruna fyri at fremja sabotasju
Svenskir myndugleikar hava lagt hald á hetta skipið, tí illgruni er um, at tað hevur framt sabotasju.
Mynd: Reuters/Ritzau Scanpix  
 
28.01.2025 - 09:18

Ein mynd av skipaðum hybridálopum er komin til sjóndar, sigur ein svenskur verjugreinari um seinastu kaðalbrotini í Eystrasalti.

Enn eitt kaðalbrot var um vikuskiftið, og svenskir myndugleikar hava lagt hald á bulgarska skipið Vezhen, sum teir hava illgruna um framdi sabotasjuna.

- Hetta er ikki eitt óhapp. Eg haldi, at hetta er nokkso skipað. Tað er mín meining, hóast vit ikki vita, hvat svensku kanningarnar fara at vísa, sigur greinarin, Jens Wenzel.

Hann hevur ikki álit á frágreiðingini frá skiparanum á Vezhen sum segði, at eitt akker var loysnað í ringum veðri.

Fyrrverandi verjuleiðarin í svenska verjumálaráðnum, Joakim Paasikivi, heldur, at tað kann vera ein aktørur uttanífrá, sum elvdi til kaðalbrotið, antin av tilvild ella við vilja, ella natúrligar orsøkir.

Verður tosað um sabotasju, er Russland helst sabotørurin, heldur hann.

Eitt lettiskt sjónvarps- og útvarpsfelag eigur sjókaðalin, sum gongur millum Gotland og Ventspils í Lettlandi.

Skaðin varð fráboðaður sunnudagin. Sama dag fóru svenskir myndugleikar undir at kanna málið.

Er kopiera
Nýggjastu sendingar í ÚV
Týsdag 18. februar
Morgunlestur týsdagur 18.februar 2025
186671
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Mánadag 17. februar
Til lukku Eyðun & Atli
187881
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762