Málið var ikki avgreitt í gjár

Rættarmálið um brotnan húsfrið bleiv ikki avgreitt í gjár.

Fimm dreingir eru ákærdir fyri at bróta húsfriðin, og onkur eisini fyri herverk.

Sambært ákæruritunum vóru dreingirnir inni í Glasi á náttartíð í apríl í 2022.

Onkur teirra er eisini ákærdur fyri herverk - fyri at bróta ein stórskíggja.

Men tann eini drongurin fekk ikki komið í rættin í gjár. Hann hevði lógligt forfall.

Dreingirnir játta seg ikki sekar, men teir játta at hava verið í Glasi aprílnáttina í 2022, sum er nevnd í ákæruritinum.