Skjóta upp at hava vápnahvíld í ein mánað

Frakland og Bretland skjóta upp at fáa eina vápnahvíld í ein mánað í krígnum í millum Russland og Ukraina.

Franski forsetin, Emmanuel Macron, sigur við franska dagblaðið Le Figaro, eftir toppfundin í London í gjár, at Frakland og Bretland mæla til at fáa eina vápnahvíld millum Ukraina og Russland.

Reuters skrivar, at vápnahvíldin skal vera galdandi á vígvøllinum á jørðini, men í luftini, á sjónum, eins og álop ikki skulu gerast á orkustøðir og samferðslukervið.

Frakland og Bretland eru sinnað at senda friðarvarðveitandi herdeildir til Ukraina, men tað verður ikki fyrr enn vápnahvíld hevur verið galdandi í eina tíð, sigur Macron.