Gera arbeiðið liðugt á Klaksvíkar sleipistøð

Gera arbeiðið liðugt á Klaksvíkar sleipistøð
Polarstjørnan stendur framvegis á bedingini, men enn er ógreitt, nær hon fer aftur á sjógv
Í síðsta mánaði eydnaðist við serkønari hjálp úr Danmark at fáa skipið á beint aftur á sleipistøðini í Klaksvík.
 
17.03.2025 - 12:20

Línuskipið Polarstjørnan stendur framvegis á bedingini hjá Klaksvíkar sleipistøð. 

Tað var 19. desember, at Polarstjørnan koppaði av bedingsvogninum, tá ið hon skuldi av bedingini. Skipið var komið umleið hálva leið úr sjónum, tá óhappið hendi, men stutt eftir kundu kavarar staðfesta, at skipið ikki hevði fingið skaða.

Men í síðsta mánaði eydnaðist við serkønari hjálp úr Danmark at fáa skipið á beint aftur. 

 

Gera alt arbeiðið í Klaksvík

Ætlanin var tá, at Polarstjørnan skuldi sigla til Havnar, har hon skuldi upp á beding hjá MEST.

Línuskipið stendur tó framvegis á bedingini hjá Klaksvíkar sleipistøð, tí alt arbeiðið verður nú gjørt har, sigur Frimodt Rasmussen, stjóri á Klaksvíkar sleipistøð.

Hann dugir ikki at siga, nær Polarstjørnan fer á sjógv aftur.

Polarstjørnan, sum er bygd í Noregi í 1971, er 417 bruttotons. Skipið er góðar 37 metrar langt.


 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF