Royna semju í dag

Klokkan tíggju fara Semingsstovnurin, Reiðarafelagið fyri handilsskip og Maskinmeistarafelagið á fund at royna at finna semju um nýggjan sáttmála.

Semingstovnurin hevur longt sáttmálan til á midnátt fríggjakvøldið, ella so leingi, samráðingarnar ikki slitna.

Sáttmálin er galdandi fyri handilsskip, frálandavinnuskip, Bakkafrost og Norrønu.

Hann var galdandi til 1. mars, men er longdur tríggjar ferðir.

Í gjár góðtóku Skipara- og navigatørfelagið og Reiðarafelagið eitt semingsuppskot.

Og Fiskimannafelagið og Reiðarafelagið fyri handilsskip gjørdu eisini sáttmála.