- Tíðindi, mentan og ítróttur
FMA 2025: "Romeo" hjá Beini er ársins sangur
FMA 2025: "Romeo" hjá Beini er ársins sangur
Beinir hevur skrivað ársins besta sang. "Romeo" av debutplátuni hjá Beini, "Greener", er kosin ársins sangur á FMA 2025 í Varpinum í Klaksvík
Mynd: Bjarni Árting Rubeksen
21.03.2025 - 21:03
"Romeo" hjá Beini gjørdist ársins sangur í kapping við "Dugir tú at tosa føroyskt" hjá Lenu Andersen, "Hugsi bert um teg" hjá Eivør, "Tosa við meg" hjá Ókendir og "Sentandi sól" hjá Heiðriki og Guðrið Hansdóttir.
Beinir, ið sjálvur skal framføra á FMA 2025, gav sína vaksnamannadebutplátu, "Greener", út í 2024.
Hóast plátan sjálv ikki er í uppskoti til ársins plátu, so varð hildið, at størsta hittið hjá Beini higartil, "Romeo", er í uppskoti til ársins sang.
"Romeo" er ferðmikil við nógvari orku, har Beinir setir orð á ófullkomnan kærleika.
“Eg skrivaði 'Romeo', tá gentan, sum eg hevði gott eyga á, var um at koma í klørnar á einum øðrum drongi. Eg minnist væl, at eg kendi meg ófullkomnan og sá hendan flotta og perfekta mannin fyri mær. Í ræðsluni fyri, at hon fór at velja hann fram um meg, skrivaði eg hendan kærleikssangin til hana”, sigur Beinir.
Er kopiera
Nýggjastu sendingar í ÚV
Nýggjastu sendingar í SV
