Sólvit Nolsø kennir seg drignan upp á tráð

- Eg kenni meg drignan upp á tráð, tí semjan var ongantíð verulig.

Tað segði Sólvit Nolsø, tingmaður, í Løgtinginum í dag undir 2. viðgerð av andstøðuuppskotinum um, at onnur enn SEV skulu fáa loyvi til at selja streym.

Upprunaliga var ætlanin, at hetta skuldi við í nýggju elveitingarlógina hjá samgonguni, men hesin parturin varð seinni tikin úr lógini aftur - nakað, sum Sólvit Nolsø hevur verið rættiliga misnøgdur um. 

Nú setir Sólvit Nolsø hart móti hørðum. 

Hann fer tó ikki at atkvøða fyri andstøðuuppskotinum, men fer í staðin at krevja, at alternativar linjuføringar til Suðuroyartunnilin verða kannaðar út í æsir.