Gjaldsskipan hjá Formula riggar framúr væl

Tá farið var undir ætlanirnar við Eysturoyartunlinum, fóru Tunnilsfelagið og Formula undir at menna eina nýggja gjaldsskipan. Orsøkin var millum annað, at tann gamla norska skipanin var tung at fáast við, tí hon var ment sum ein standardskipan til norsku tunlarnar.

Tað gav at bíta, tá tunnilsfelagið í 2015 valdi at strika skipanina við kubbum og heldur fara at lesa nummarplátur. Tað var tungt og tók sína tíð, at fáa norsku skipanina lagda um til tað, sigur Uni Danielsen, stjóri í Tunnilsfelgnum.

Tí valdi tunnilsfelagið at venda sær til Formula, um at menna eina nýggja gjaldsskipan. Tað tók hálvt annað ár, hon var tillagað í eitt hálvt ár og so var hon klár at taka endaliga í nýtslu, tá Eystruroyartunnilin lat upp.

Fróði Magnussen, stjóri í Formula sigur, at tey enn ikki eru farin undir at selja skipanina uttanlands. Hetta krevur drúgt søluarbeiði og at neyðugt verður at finna sær ein samstarvsfelaga, um hetta skal bera á mál. Men tað er nakað felagið umhugsar at fara undir, nú royndirnar hava verið so góðar.

Hoyr innslagið her: