Fyrstu boriúrslitini koma um tríggjar vikur

Boringin á Brugdu-leitimiðinum hevur gingið betur enn væntað

Rúni M. Hansen, stjóri hjá Statoil í Føroyum og leiðari av arktisku eindini hjá felagnum, avmyndaður millum báðar teir størstu í Statoil, nevniliga Helga Lund, samtaksstjóra og Tim Dodson, stjóra fyri altjóða leiting.

Sigmar Bláberg

Johnsigurd Johannesen

29.08.2012 - 17:05

<div>Tað hevur gingið so mikið væl at bora á Brugdu-leitimiðinum á føroyska landgrunninum, at Statoil helst um tvær ella tríggjar vikur fer at almannakunngera fyrstu úrslitini.</div><div><br></div><div>Tað sigur Jan Muller, stjóri í Føroya Oljuídnaðarbólki, sum er á oljumessu í Stavanger.</div><div><br></div><div>Hetta er áttandi brunnurin, sum verður boraður á føroyskum øki, og tað er kinverski boripallurin "Cosl Pioneer", sum borar. Borast skal niður á 4-5 kilometra dýpi, og av teimum eru tveir kilometrar basalt.</div><div><br></div><div>Tá byrjað varð, boðaði Statoil frá, at boringin fór at taka millum fýra og fimm mánaðir, men sum skilst hevur gingist betur enn væntað.</div><div><br></div><div><b>12 brunnar</b></div><div><br></div><div>Statoil hevur gjørt av at bora 12 brunnar í arktisku økjunum, tá er brunnurin á føroyska landgrunninum er íroknaður. Tað upplýsti Rúni Hansen, stjóri í Statoil í Føroyum, sum eisini er settur sum leiðari fyri ætlaninar hjá Statoil í arktisku økjunum, á oljumessuni í Stavanger.</div><div><div><br></div><div><b>Meiri verður at frætta í útvarpstíðindunum.</b></div><div><br></div></div>