Almannaverkið 50 ár í dag

Almannaverkið hevur 50 ára stovningardag í dag.

1. apríl 1975 varð Almannastovan sett á stovn. Áðrenn almannaøkið kom á føroyskar hendur, hevði tað verið umsitið av Danmark.

Fyrstu tíðina arbeiddu 15 fólk í Almannastovuni, sum bara umsat sosiala økið.

Seinni komu stovnar, tænastur og onnur ábyrgdarøki. Føroyingar hava staðið fyri Umsitingini og menningini á økinum tey seinnu nógvu árini. 

Um ein mánað, 2. mai, verður stórt hátíðarhald í Norðurlandahúsinum í sambandi við 50 ára stovningardagin.

Almannaverkið er nú landsins størsti stovnur. Tað hevur 1.200 starvsfólk og ein triðing av fíggjarlógini.