Kerit keypt fyri 12 milliónir kr.

Nú er skrivað undir keypssáttmála um fyrrverandi nunnukleystrið Kerit í Havn.

Kerit er keypt fyri 12 milliónir kr., og Heilbrigdi fer at halda til í bygninginum.

Bygningurin, sum er frá 1980, hevur 11 kømur, og er í góðum standi.

Gamla nunnukleystrið skal umbyggjast, so tað hóskar betur til virksemið hjá Heilbrigdi. Arbeiðið er ikki boðið út enn, og tí verður umbyggingin væntandi ikki liðug í ár, sigur Árni Gregersen, nevndarformaður í Heilbrigdi. 

Verandi bygningur hjá Heilbrigdi á Velbastað skal seljast. Enn er óvist, nær bygningurin verður seldur.

Ein sjálvsognarstovnur eigur bygningin hjá Heilbrigdi á Velbastað, og landskassin fær tað, sum bygningurin verður seldur fyri.