- Tíðindi, mentan og ítróttur
Úrslitið hjá Atlantic Petroleum setti met
<div>Atlantic Petroleum hevði metgott úrslit fyrra hálvár í ár. Atlantic Petroleum framleiddi 449.000 tunnur av kolvetni fyrra hálvár, sum er tað mesta, felagið hevur framleitt fyrstu seks mánaðirnar í einum ári.</div><div> </div><div>Sølan, sum var 279 mió. kr., er eisini tað mesta, felagið hevur havt í eitt hálvt ár. Úrslitið fyri rentur og skatt fyrra hálvár 2012 var 77,2 mió. kr. Gjaldførið </div><div>hjá felagnum er nú 275,4 mió. kr. </div><div><br></div><div><b>Størri framleiðsla </b></div><div><br></div><div>Ben Arabo, stjóri í Atlantic Petroleum, sigur, at framleiðslan fyrra hálvár varð størri enn roknað varð við, og tí økir felagið sínar metingar til framleiðsluna fyri árið, úr 700.000 - 800.000 tunnum upp í til 800.000 - 870.000 tunnur. </div><div><br></div><div>Felagið væntar eisini betri úrslit fyri avskrivingar og leitikostnað fyri árið, úr 200 - 270 mió. kr.upp í 270 - 350 mió. kr. Sannlíkt er eisini, at Atlantic Petroleum verður við í trimum leiti- ella avmarkingarbrunnum afturat í ár. </div><div><br></div><div>Umframt Spaniards-brunnin, sum verður boraður seinni í ár í bretskum øki, er felagið í sámráðingum um tveir aðrar brunnar. Harumframt fann felagið olju á Orchid-leiðini í bretskum øki í vár, og Atlantic Petroleum er við í Brugduboringini á føroyskum øki í løtuni. </div>
