Veddingarfyritøkurnar vænta føroyskan sigur

Kosovobúgvar taptu við 11 málum fyri Føroyum í november í fjør og veddingarfyritøkurnar hava eisini givið føroysku monnunum greiðan favorittleiklut í Pristina í kvøld.

Setir tú ein hundraðkrónuseðil á at Føroyar vinna dystin, fært tú okkurt um 135 krónur aftur, um tað eydnast føroyingum.

Rokna um til prosent, eru veddingarfyritøkurnar 75 prosent vísar í, at Føroyar vinna dystin.

Óvanliga tættur bólkur

Undankappingarbólkurin við Føroyum, Ukraina, Hollandi og Kosovo er tættur.

Føroyar eru á odda í bólkinum við 5 stigum, Holland og Ukraina hava bæði 4 stig og aftast er Kosovo við 3 stigum.

Øll liðini kunnu framvegis spæla seg til EM-endaspælið næsta ár.

Føroysku menninir skulu bara brúka eitt stig móti Kosovo í kvøld, so er EM-billettin tryggjað.