Granskaðu fyri 367 milliónir í 2023

Føroyar granskaðu og mentu fyri 1,4 prosent av BTÚ, bruttotjóðarúrtøkuni, í 2023, sum er 367 mió. kr.

Tað eru 0,3 prosentstig minni enn í 2022, skrivar Hagstovan.

Tó skal sigast, at BTÚ vaks 6,7 prosent í ársins prísum sama tíðarskeið.

252 ársverk fingust við gransking og menning í 2023, 96 kvinnur og 146 menn.

Í Føroyum vóru útreiðslurnar til gransking og menning minni enn í hinum Norðurlondunum í 2023 og í 2022. 

Í Noregi vóru útreiðslurnar 1,6 prosent av BTÚ, í Íslandi 2,6 prosent, í Danmark 2,9 prosent, í Finnlandi 3,0 prosent og í Svøríki 3,5 prosent. 

Í øllum Norðurlondunum eru útreiðslurnar til gransking og menning samanborið við BTÚ minkaðar eitt vet í 2023.

Gransking