Maskinmeistarafelagið mist tolið við SEV

Maskinmeistarafelagið hevur mist tolið við SEV og boðar nú frá, at felagið fer í rættin við einum krav móti SEV, um eingi ítøkilig stig verða tikin beinanvegin.

Talan er um eina upphædd á stívliga tríggjar milliónir krónur, sum Maskinmeistarafelagið sigur, at maskinmeistarar, ið starvast hjá SEV, hava til góðar.

Felagið byggir krav sítt á innlit í tímaskrásetingar og lønarseðlar fimm ár aftur í tíðina, har tað sambært Maskinmeistarafelagnum er staðfest, at yvirtíð og vaktargjøld ikki eru avroknað í samsvari við galdandi sáttmála.

Formaðurin í Maskinmeistarafelagnum, Arnfinn Bech, sigur, at málið hevur drigið ov leingi út og at neyðug prógv eru fyri, at maskinmeistarar hava fingið ov lítið útgoldið.

Hoyr samrøðuna við Arnfinn Bech, formann í Maskinmeistarafelagnum: