Djóraverndarfelagið byggir djóraherbergi

Tórshavnar býráð hevur samtykt at lata Djóraverndarfelagnum eitt øki í Vika til djóraherbergi.

Djóraverndarfelagið vil byggja herbergið, sum er 400 fermetrar.

Alt í alt hevur felagið brúk fyri 6.000 fermetrum.

Økið, sum kommunan er sinnað at lata Djóraverndarfelagnum, er við Stiðjagøtu.Talan er um leigutrøð.

Leigarin er sinnaður at lata part av trøðni, sigur býráðið. 

Djóraherberg, Djóraverndarfelagið

Djóraherbergið verður í Vika í Havn. 

Grannar mæla frá

Málið hevur verið til hoyringar hjá grannunum, sum mæla frá, millum annað tí annað djórahald er har á leið.

Meirilutin í býráðnum heldur ikki, at djóraherbergið fer at órógva annað djórahald.

Minnilutin atkvøddi á býráðsfundinum í gjár ímóti at lata økið til djóraherbergi.

Ferðsluviðurskiftini eru ikki egnað.  Og slíkt virksemi hoyrir ikki heima har, heldur minnilutin.