Tvey halda fram í Unesconevndini

Bara formaðurin í føroysku Unesconevndini og stjórin á Landsbókasavninum halda fram, nú nevndin er vald av nýggjum.

Formaður er Herleif Hammer, stjóri á Tjóðsavninum.

Annika Smith er stjóri á Landsbókasavninum. 

Granskingarráðið og Uttanríkistænastan vóru við, men eru ikki við í nýggju nevndini.

Nú eru Kringvarpið og Fróðskaparsetrið við.

Nevdnin er vald fyri fýra ár.

Fjórða nevndin

Hetta er fjórða Unesco nevndin, síðani Føroyar fingu atlimaskap í Unesco í 2009.
 
Unesco er ST stovnurin fyri útbúgving, vísindi, mentan og samskifti.

Landsstýrismaðurin í almanna- og mentamálum, Eirikur í Jákupsstovu, hevur sett Unesconevndina.

Nevndin hevur havt sín fyrsta fund.

Hon hevur viðgjørt tilmælið hjá fráfarandi nevnd um at virka fyri føroyskari tilnevning av Unesco heimsarvi, biosferuøki ella geolund. 

Biosfera er lívhválv, tann parturin av jørðini, har livandi verur kunnu trívast.

Føroyski báturin, sum í 2021 kom á listan Unesco við siðaarvi hjá mannaættini, er einasta Unescotilnevning, sum Føroyar hava.