Burturkast: Royndarverkætlan sett í verk

Nú er blivið lættari hjá havnafólki at skilja ruskið, men ikki í øllum grannaløgum. 

Tórshavnar kommuna hevur sett upp skiljistøðir við metali og glasi í átta grannaløgum. 

Talan er um eina royndarskipan, tí eru tað bara ávís grannaløg, sigur Marius Müller, deildarleiðari á umhvørvisdeildini hjá Tórshavnar kommunu. 

- Verkætlanin heldur fram restina av árinum, síðani verður hon eftirmett og so leggja vit tað aftur fyri politisku skipanina, sigur Marius Müller.