Almannaverkið søkir eftir tveimum stjórum

Almannaverkið søkir eftir tveimum stjórum, fyrisitingarstjóra og tænastustjóra.

Stjórarnir skulu vera við til at seta í verk nýggja bygnaðin hjá Almannaverkinum.

Stjórin, fyrisitingarstjórin og tænastustjórin mynda stjórnina, sum er ovasta leiðsla í Almannaverkinum. 

Størvini skulu setast 1. november

Umsóknarfreistin er til 21. august.

Súsanna Nordendal er virkandi fyrisitingarstjóri, og Hjørdis S. Mortensen, sum nú er almannastjóri, er virkandi tænastustjóri.