Vitlíki: Biðja vanliga føroyingin um hjálp

Í arbeiðinum at læra vitlíki føroyskt fara tey at biðja vanliga føroyingin um hjálp. Tað sigur Barbara Scalvini, sum mennir vitlíki á Setrinum.

Eitt vitlíki, sum dugir føroyskt, má kenna málið, sum vanlig fólk brúka tað - og ikki bara skrivaða málið frá bókmentum og bløðum, sigur Barbara Scalvini.

Málmodellið verður fóðrað við bókmentum, greinum, bíbliuni og øðrum skrivligum tilfari umframt, at tað skal læra talumál við danismum og øðrum, sum hoyrir til.