- Tíðindi, mentan og ítróttur
Føroyingar leita eftir olju í Barentshavinum
<div>Føroyar eru nú við í oljuvinnuni í Barentshavinum. Faroe Petroleum hevur keypt ein part av einum norskum loyvi at leita eftir olju í Barentshavinum.</div><div>Faroe Petroleum hevur keypt 12,5% av einum loyvi, sum umfatar Darwin leitimiðið. Væntandi verður borurin settur í har við ársenda. ,</div><div><br></div><div>Darwin leitimiðið liggur einar 60 til 80 kilometrar í ein útsynning frá Skrugaard og Havis, har Statoil hevur funnið nógva olju. Faroe Petroleum hevur keypt sín part frá Talisman Energy Norge AS, sum hevði 25% av loyvinum. Afturfyri rindar Faroe Petroleum kostnaðin hjá Talisman í boringini á Darwin miðinum. </div><div><br></div><div>- Vestari partur av Barentshavinum er eitt óroynt og sera lovandi øki, har Statoil gjørdi eitt størt gjøgnumbrot í fjør við Skrugaard oljufundinum. Væntandi verður stór kapping um leitiloyvir á hesum økinum í 22. loyvisumfarinum í næstum, sigur Faroe Petroleum í tíðindaskrivi.</div><div><br></div>
